DIA DI VERDADI - 1 ABRIL

Oji e dia di xinta pam konta verdadi. Djam sta fartu obi mintira, e pa tudu ladu.

Dimokrasia e stadu na mon di poku, ma ki ta bendedu e ma puder e di povu. (mintira)

kapitalismu sta poi riku maz riku i pobri maz pobri, mundu sta vivi di sinismu, kulpa e di krizi. (mintira)

Ekonomia di merkadu sa ta atinji bens isensial (kumida, agu, inerjia), lei di oferta i prokura sta diturpadu, oferta sta guardadu pa o ki prokura aumenta pa sai na merkadu. ka tem nada fazi. (mintira)

Monopolius sa ta mata ekonomias pikinoti, pulitika ekunomiku di UE ta intxi agrikultoris i peskadoris di subsidiu pa produtus txiga na pais pobri maz baratu, lei di merkadu. (mintira)

Pobri ka podi kompiti ku europa, ta larga enxada ku redi ta ruma norti, emigrasom e frutu di korupsom di lideris di pais pobri. (mintira)

ixpekuladoris tenenu na mau situasom, ora toma um disizom dja txiga. E krimi e droga e sida sta tudu sem kontrolu pamodi kenha ki podi, teni tudu kontroladu sima ez ta kre. kes ki rialmenti ta guverna stadu, grandis emprezas xeiu di interesis.

Tem verdadi ki ta inkomoda ma n'ta fla sime. E midjor ki mintira pa akomoda. Igreja pa mi podi fitxa porta, ka ta adianta djuda pobri si mensaji ki ta podu na kabesa di pobri sta lonji di verdadi, so pa pobri konforta ku si pobreza, konsola na um reza. Fé ta kura. (mintira)

Papa e kontra kamizinha. Sera verdadi ma prublema di sida e di komportamentu di kada um? (mintira)
Prublema di padris abuzadoris intom e di komportamentu tambe. (mintira) Nu ta purduaz. Nem pa ka tenta.

Djam sta fartu obi mintira. Emprezarius ta perdi milions pamo ganansia ki ta paga e milions di koitadu sima mi. Governantis ta spia pa interesi ekonomiku antis di toma um disizom pa interesi di povu. Tem ki tem sustentabilidadi. (mintira)

Guvernantis sta mesti kastigu pa kada objetivu fadjadu. Ditadura ku terorismu pa tudu kau ma ki ta fladu me maz prigozu e kes ki tem pitroliu baxu pe. Kez otu e merkadu pa bendi arma, pa fazi karidadi ku ajuda umanitaria.

Oji e dia di mentira ma ami n'bem konta verdadi, nha verdadi. NHA GUENTI NU GOZA TUDU NA TERA, NU GOZA TUDU NA TERA PAMO NA SEU E KA SI

Será mintira? Axu ki nau.