BEM DI FORA

Dimingu era omi kalmu, trabadjador ti dimaz, sempri ku si enxada riba di ombru ta dixi rubera antiz manxi. Tudu dia dentu si lugar, ta koba, ta limpa, ta trata di limaria, doz padaz di terenu ta da kel ki Deus kre.

Juana dja fazi kel kuzkuz, kafé sem bora, troxa prontu. Oji tem tarefa txeu pa pripara, tudu prontu pa dixi Praia, sabadu e dia ki ta bendi dretu na merkadu.

Dimingu nunka poi pe na Praia, e ka tem seka ku karu, ku tilivizom, nem telemovel ki fari interneti, e gosta obi storias ki gentis grandi ta konta di Jó, ku Ezequiel, ku Salomão, ku David, ku Moises, ku Jesus.

E tem fe na Nosu Sinhor sima um bom kristom, e ta obi pregasom na kaza Nhu Pulenta Bia, omi vividu, kunhesedor di kaminhu di fe. Kaza Nhu Pulenta Bia tem um kintal grandi, baxu um mangera Dimingu djuda limpa, fazi moxu el ku Palu si irmon, pa pesoas obi pregasom. Ninhum dez ka tem skola, sima ta flada na kel bez, skola ka ta da enxada na txom.

Juana gosta di Praia, algem txeu di odja, karu pa riba pa baxu pa tudu kabu, xina pa tudu ladu, ku tudu um poku, ropa, sapatu, tijela, kudjer, pratu, pintura, mudjer di vaidadi, kuzaz ki ta dexa Dimingu ku gana dadji. (continua...) (parte 2) (parte 3) (parte 4) (parte 5 ) (parte 6) (parte 7) (parte 8) (parte 9) (parte 10)